Nakon mirnog ljeta u Baru, tri pojačanja "sletjela" su na crnogorsko primorje tokom posljednja dva dana.
Poslije Džamala Džonsona novi košarkaši Mornara postali su i Dvajt Marej i Makol Maiven, objavio je crnogorski predstavnik u ABA ligi.
Marej igra na poziciji plejmejkera, a posljednje tri sezone proveo je u NCAA ligi, dok je Maiven centar, ima pasoš Južnog Sudana i u "Topolicu" stiže iz bugarskog Černomoreca.
Novi plej Mornara tokom prethodne sezone prosječno je bilježio 15,7 poena, pet skokova i tri asistencije po utakmici, dok je učinak Maivena bio 12 poena, 8,9 skokova i 1,3 asistencija.
Maiven je prije Černomoreca nosio dres ukrajinskog Zaporožja iz kojeg je otišao zbog ratnih dešavanja, pa je kratko bio član kosovskog Rakovecija. U Evropi je igrao još za bugarski Levski i finsku Kipina Basket, a dvije godine je igrao u NCAA ligi za Kansaz.
Bonus video:
