Petra Kvitova je osvojila 29. titulu u karijeri, a petu na travi, jer je u finalu turnira u Istbornu savladala Jelenu Ostapenko 6:3, 6:2.
Šampionka Vimbldona iz 2011. i 2014. je do sada u karijeri šest puta igrala finala na travi i izgubila samo prvo, i to baš u Istbornu prije 11 godina od Marion Bartoli.
Od tada je 32-godišnja Čehinja pet puta nastupila na jednom od turnira koji je zagrijavanje za Vimbldon i nikada nije dogurala dalje od četvrtfinala.
"Oduševljena sam, ovo je bilo posebno finale. Znam da Jelena igra dobro na travi, branila je titulu, ali sam bila spremna za njen brzi, agresivni tenis. Biop je ovo dobar meč sa obje strane", rekla je Kvitova.
Na 29. pehar je čekala od prošlogodišnjeg slavlja u Dohi, a osim 470 bodova, zaradila je i 116.340 američkih dolara.
Kvitova je prvi pehar osvojila 2009. u australijskom Hobartu, a za ovih 13 godina više trofeja je od nje osvojila samo Serena Vilijams (41).
Bonus video:
