Kada dođe do finala u 2017. godini, Elina Svitoljina ne griješi - Ukrajinka je savladala Karoline Voznijacki sa 6:4, 6:0 u Torontu i osvojila petu titulu u isto toliko finala ove sezone.
Svitoljina je zaradila 501.957 dolara i 900 poena, pa će od sjutra biti treća na WTA listi, iza Karoline Pliškove i Simone Halep.
Djevojka koja je nestvarno izgubila četvrtfinale Rolan Garosa od Simone Halep, iako je vodila 6:3, 5:1, u polufinalu u Kanadi se osvetila Rumunki, a onda nepunih 20 sati kasnije lako nadvisila i Dankinju poljskog porijekla.
Ovo je Svitoljinoj deveta titula u karijeri iz 11 finala, a treća na turnirima Premijer kategorije, jer je ove godine bila šampionka i u Dubaiju i Rimu.
Bonus video:
