Premijer Srbije Aleksandar Vučić najavio je danas da će ministar odbrane Bratislav Gašić biti razriješen do kraja januara kako je ranije obećao. Vučić je kazao da Gašić neće podnijeti ostavku, već da će tražiti njegovo razrješenje u Skupštini Srbije. "Idem pred narodne poslanike, prisustvovaću raspravi, a 15 dana poslije toga predložiću novog ministra pa ću onda opet u Skupštini Srbije braniti postavljanje novog ministra", rekao je Vučić novinarima u Beogradu. Srpski premijer je dodao da smatra da je to častan, pošten, fer i odgovoran pristup. "Drago mi je što to niko od mojih političkih protivnika i medijskih poslanika koji ih podržavaju to nije očekivao", rekao je Vučić. On je ranije najavio smjenu ministra Gašića jer je uputio seksistički komentar novinarki.
Bonus video:
