Zbog širenja rasne i druge mržnje prema LGBT populaciji i nevladinim organizacijama Labris i Gay straight alijansa, predsjednik Obraza Mladen Obradović od danas je u četvoromjesečnom kućnom pritvoru.
Predsjednik Obraza Mladen Obradović od danas je u kućnom pritvoru po presudi Apelacionog suda zbog širenja rasne i druge diskriminacije pred otkazanu Paradu ponosa u septembru 2009. godine.
Apelacioni sud je zaključio da će se kaznom od četiri mjeseca kućnog zatvora u potpunosti ostvariti svrha kažnjavanja i izricanja krivičnih sankcija, posebno cijeneći činjenicu da je Obradović student, kao i njegove porodične prilike (ima žena i dijete).
Obradović je osuđen jer je od 13. do 20. septembra 2009. godine, kao sekretar Udruženja građana Otečenstveni pokret – Obraz “širio i predstavljao ideje koje zagovaraju diskriminaciju zasnovanu na ličnom svojstvu – seksualnoj orijentaciji i nasilju protiv lica, pripadnika Organizacije za lezbejska ljudska prava Labris, Udruženja Gay straight aliansa, odnosno pripadnika LGBT populacije”.
Njegovoj organizaciji “Obraz” je 2012. godine, odlukom Ustavnog suda Srbije, zabranjena djelatnost.
Bonus video:
