Novinarska ekipa informativnog portala "A1 on" pretučena je večeras u Skoplju poslije završetka protesta za zaštitu imena i unutarnosti države i protiv promjena Ustava Makedonije, prenijeli su lokalni mediji.
Nakon protestnog marša, koji je drugi dan za redom organizovala Građanska inicijativa za zajedničku Makedoniju, fizički su napadnuti novinar Aleksandar Todevski i snimatelj Vladimir Želčevski.
Prema očevicima, na koje se pozivaju mediji, nekoliko učesnika protesta su sa leđa napali novinare i udarali pesnicama i nogama, nakon čega su zbog povreda obojica, kako je rekao urednik portala "A1 on" Predrag Petrović, završili u Urgentnom centru.
Nasilnici su im razbiili kameru, a potom su pobjegli. Portal "A1 on" najavio je da će podnijeti tužbu protov organizatora protesta.
Protestni marševi Građanske inicijative za zajedničku Makedoniju večeras su pored Skoplja organizovani i u još četiri grada u unutrašnjosti.
Bonus video:
