Islamska država tvrdi da je njihov vojnik: Napad u Njemačkoj izveo tinejdžer

Tinejdžer iz Avganistana je ubijen nakon što je sjekirom i nožem napao 20 ljudi na vozu u Njemačkoj. Islamska država tvrdi da se radi o njihovom vojniku, prenijela je agencija AMAQ bliska Islamskoj državi. Islamska država nerijetko preuzima odgovornost za terorističke napade koje nije počinila.

Zvaničnici su saopštili da je u sobi napadača nađena zastava Islamske države.

Dječak od 17 godina je bio u Njemačkoj kao tražilac azila. Nožem i sjekirom je teško povrijedio troje ljudi, a potom pobjegao iz voza.

Policija je krenula u potjeru i upucala ga kada je i njih napao.

Napadač je napao putnike na regionalnom vozu koji je išao u Vurzburg.