Nacistički tuneli u Poljskoj biće otvoreni za turiste

Tuneli koje su izgradili nacisti ispod dvorca Ksiaz u Donjoj Šleskoj u Poljskoj uskoro će biti otvoreni za turiste, objavila je turistička organizacija, prenose agencije.

Dvorac, barokna palata na utvrđenoj stijeni, nalazi se oko 70 kilometara od Vroclava, piše RSE.

Dosad je tunele koristio Institut za geofiziku Poljske akademije nauka kao mjesto za mjerenje zemljotresa, ali je Poljska odlučila da ih otvori nakon što su turisti pokazali veliko interesovanje za legendu o nacističkom vozu za zlatom.

Oko 3.200 metara kvadrata tunelskog sistema biće otvoreno turistima sljedeće godine.

Tuneli se nalaze 15 do 50 metara ispod dvorca. Planira se i izložba o istoriji tunela.