Komemorativni skup posvećen Britancu Alenu Heningu (47), koga su džihadisti ubili u Siriji, biće održan danas u Centru muslimanskog nasljeđa u Mančesteru, na sjeverozapadu Engleske.
Prijatelji i porodica, uključujući Heningovu suprugu Barbaru i dvoje djece Adama i Lusi, biće prisutni na komemoraciji, prenijela je agencija AFP.
Organizatori komemorativnog skupa pozvali su javnost da se "pridruži sjećanju na izvanrednog pojedinca" i ukazali su na potrebu "nastavljanja nasljeđa njegovog humanitarnog rada".
Hening je bio vozač u humanitarnom konvoju koji je krenuo u Siriju radi pružanja pomoći civilima i vrlo brzo je kidnapovan po prelasku tursko-sirijske granice, krajem decembra.
Džihadisti Islamske države su objavili snimak njegovog ubistva 3. oktobra.
Hening je četvrti zapadni državljanin kojeg su od avgusta džihadisti obezglavili.
Bonus video:
