Bivši premijer Italije Silvijo Berluskoni rekao je danas da on neće biti premijer ukoliko njegova konzervativna stranka pobijedi na izborima u februaru.
U intervjuu za televiziju Sky TG24 TV, medijski mogul je rekao da je njegov izbor za premijera Andjelino Alfano, njegov politički nasljednik.
Berluskoni mjesecima nije bio jasan po pitanju svoje moguće kandidature za četvrti mandat premijera Italije.
Ankete pokazuju da najveću podršku javnosti trenutno ima vođa lijevog centra Pjer Luidji Bersani, mada ne izgleda vjerovatno da će on osvojiti dovoljno glasova da vlada sam.
Bersanijev mogući koalicioni partner je sadašnji premijer Mario Monti, koji je po popularnosti iza Berluskonija.
Monti, ekonomsta i premijer Italije od 2011. godine, danas je u intervjuu za novine nagovijestio da bi mogao ublažiti mjere reforme zbog kojih je otpuštanje radnika postalo lakše - što bi se moglo dopasti mogućim saveznicima iz italijanske ljevice.
Ankete pokazuju da najveću podršku javnosti trenutno ima vođa lijevog centra Pjer Luidji Bersani
Berluskoni (76), vođa koalicije desnog centra koji je nedavno osuđen za utaju poreza, ipak će pokušati da zadrži mjesto u parlamentu.
On insistira da su brojne optužbe i procesi koji su bili pokrenuti protiv njega u posljednjih 20 godina poistekle iz zavjere visokih zvaničnika - koje smatra simpatizerima ljevice - i za sve optužbe izjasnio se kao nevin.
Jedna od optužbi zbog kojih mu se trenutno sudi u Milanu je plaćanje za seks maloljetnici iz Maroka.
Bonus video:
