Broj poginulih u poplavama u španskoj autonomnoj pokrajini Valensiji porastao je na 63, javlja AFP.
Službe hitne pomoći u istočnoj regiji Valensije potvrdile su u srijedu broj smrtnih slučajeva od 62 osobe. Kabinet centralne vlade za regiju Kastilja la Manča a je dodao da je 88-godišnja žena pronađena mrtva u gradu Kuenka.
Oluja sa kišom u utorak je izazvala poplave u velikom dijelu južne i istočne Španije, od Malage do Valensije.
Španski premijer Pedro Sančez rekao je da je desetine gradova poplavljeno i upozorio da opasnost nije prošla.
"Za one koji traže svoje voljene, cijela Španija osjeća vaš bol", rekao je Sančez u televizijskom obraćanju. "Naš prioritet je da vam pomognemo. Ulažemo sve potrebne resurse kako bismo se oporavili od ove tragedije."
Vlasti najugroženijih područja pozvale su mještane da ostanu kod kuće i izbjegavaju putovanja ukoliko nisu neophodna.
Bonus video:
