Dvojica sirijskih krijumčara osuđena su danas u Turskoj na po četiri godine i dva mjeseca zatvora zbog smrti trogodišnjeg sirijskog dječaka Ajlana Kurdija i još četiri osobe.
Sud je proglasio dvojicu Sirijica krivima za krijumčarenje ljudi, ali su oslobođeni optužbi da su "izazvali smrt namjernim zapostavljanjem", prenijele su agencije.
Suđenje sirijskim državljanima Muvafaki Alabašu i Asemu Alfradu počelo je 11. februara u egejskom gradu Bodrumu.
Fotografija beživotnog tijela dječaka sa licem zagnjurenim u pesak na plaži u Bodrumu šokirala je cijeli svijet i skrenula pažnju na izbjegličku krizu.
Ajlanov brat i majka takođe su se utopili kada se u septembru prošle godine prevrnuo brodić kojim su pokušali da se prevezu od Bodruma do grčkog ostrva Kos.
Bonus video:
