Francuski borbeni avioni bombardovali su danas naftna postrojenja Islamske države u blizini Rake, uporišta džihadista u Siriji.
Istovremeno, francuski ministar odbrane Žan-Iv Le Drian nalazi se u novogodišnjoj posjeti vazdušnoj bazi u Jordanu odakle francuski avioni polijeću u kampanji protiv IS.
"Obaviješten sam o napadima na naftna postrojenja noćas. Moramo da natavimo sa tom logikom", rekao je on u bazi gdje se nalazi oko 250 francuskih vojnika, prenosi AFP.
Prve francuske udare u 2016. godini izvela su dva aviona tipa Miraž 2000s oko dva sata noćas, a još dva aviona poletjela su iz jordanske baze kako bi bili vazdušna podrška kudrskim snagama pešmergi koje se bore protiv džihadista oko Sindžara na sjeveru Iraka.
Francuska je u taj region poslala nosač aviona Šarl de Gol koji je trenutno stacioniran u Persijskom zalivu, kao i šest aviona tipa Rafal koji se nalaze u Ujedinjenim Arapskim Emiratima.
Prošle godine francuski avioni su u 710 misija izveli više od 390 udara na položaje Islamske države u Siriji i Iraku.
Bonus video:
