Za arapske i muslimanske zemlje nije bitno postizanje primirja za prekid krvoprolića u Gazi, već okončanje izraelske okupacije, rekao je u utorak glavni sekreta Arapske lige Nabil Elarabi.
"Pravi problem nije primirje", rekao Elarabi pred novinarima tokom kratke posjete u Gazi na čelu izaslanstva arapskih ministara, sedmog dana nove izraelske vojne ofenzive.
"Pravi problem na koji se muslimanske i zemlje i sve prijateljske zemlje u svijetu trebaju uložiti napore u okončanje izraelske okupacije", rekao je Elarabi
Arapsko izaslanstvo je u utorak stigao u Pojas Gaze izraziti solidarnost s palestinskom enklavom na koju je usmjerena izraelska ofanziva od prošle srijede.
Izrael negirao primirje
Iako su zvaničnici Hamasa najavili da će prekid vatre u sukobima s Izraelom biti proglašen večeras, Izrael je porekao da je zaključio takav dogovor.
Portparol izraelske vlade Mark Regev izjavio je da se nastavljaju vojne operacije u Gazi, kao i diplomatski napori dok se ne postigne diplomatsko rješenje za uspostavljenje dugotrajnog zatišja na jugu Izraela.
"Volio bih da vam kažem da postoji aranžman koji će doneti prekid vatre. Nismo još tamo. Lopta je još uvijek u igri", rekao je Regev.
Regev je, istovremeno, izrazio nadu da diplomatija može doneti rješenje za stanovnike na jugu Izraela, koji su na udaru raketne vatre ekstremista iz pojasa Gaze.
Prethodno je zvanični Hamasa rekao da su Izrael i Hamas postigli dogovor o primirju, čime će biti obustavljeno obostrano raketiranje.
Premijer Izraela Bendžamin Netanijahu je na konferenciji za novinare rekao da oni žele diplomatsko rješenje.
Dokument o obustavi vatre potpisan u Kairu, javljaju agencije. Izrael je ranije odložio odluku o kopnenoj ofanzivi na Gazu-
Pregovorima je posredovao Egipat, na licu mjesta je bio i generalni sekretar UN Ban Ki Mun, a umiješana je i američka državna sekretarka Hilari Klinton.
Izrael je ponudio Gazi primirje koje će važiti 15 godina, saznaje danas agencija Anadolija, dok Hamas traži da Izrael ukine embargo i prestane sa napadima na Gazu.
Kako javlja Anadolija, da bi primirje stupilo na snagu, Izrael navodno traži ugovor o nenapadanju najmanje 15 godina, kao i da Egipat bude politički garant mirovnog sporazuma.
Izrael takodje traži od Hamasa da zaustavi ilegalni uvoz oružja u Gazu, zabrani raketne napade na Izrael i od strane drugih grupa u Gazi i da zatvori granični prelaz Rafa između Egipta i Gaze.
Sa druge strane, Hamas od Izraela zahtijeva prekid embarga, zaustavljanje napada na Gazu i na njegove lidere, kao i garanciju međunarodne zajednice za ispunjavanje tih uslova.
Agencija Anadolija takođe saznaje da se pregovori ipak nisu razvili u pozitivnom smjeru i da Izrael nastavlja s raspoređivanjem vojnika na granici s Gazom.
U jučerašnjim izraelskim napadima na Gazu ubijeno je 32 ljudi, čime je broj ubijenih Palestinaca od početka ofanzive prošle srijede dostigao 109.
Erdogan optužuje Izrael za etničko čišćenje >>>
Izrael baca letke o evakuaciji Palestincima
Izraelsko vazduhoplovstvo bacalo je danas iz vazduha letke u nekoliko kvartova grada Gaze u kojima pozivaju stanovništvo da se odmah evakuiše, naveli su izvještači Frans presa.
"Za vašu ličnu bezbjednost, tražimo da se odmah evakuišete iz svojih domova i da idete prema centru grada", navodi se u letku, napisanom na arapskom jeziku. Na letku se preporučuju putevi koje palestinsko stanovništvo treba da koristi do centra Gaze.
U poruci se ne navode razlozi za evakuaciju, ali se garantuje bezbjednosti svima koji napuste svoje kuće.
"Na kraju, svako će se vratiti svojoj kući. Prema izraelskim pravilima, civili će biti van svih incidenata", dodaje se u letku.
Bacanje letaka dolazi u trenutku kada je Izrael privremeno odustao od kopnene invazije pojasa Gaze.
Ministarska delegacija Arapske lige stigla je danas u Gazu, dok je generalni sekretar UN Ban Ki Mun došao u Izrael, a američki državni sekretar Hilari Klinton treba tokom večeri da dođe u Izrael.
Pogubljeno šest osoba zbog sumnje da sarađuju sa Izraelom
Vojno krilo palestinskog pokreta Hamas preuzelo je odgovornost za pogubljenje šestorice Palestinaca koji su navodno sarađivali sa Izraelom.
Maskirani napadači su, kako javlja Asošiejted pres, prisilno istjerali šestoricu Palestinaca iz jednog autobusa u gradu Gaza i zatim ih ubili.
Pet tijela je ležalo na zemlji dok su neki prolaznici pljuvali na njih, naveli su očevici, a šesto tijelo vezano je za motor i vučeno ulicama dok su prolaznici vikali "Špijun, špijun".
Hamas je objavio letak na jednom stubu za struju na kojem su navedena imena ubijenih. Javna pogubljenja se dešavaju tokom izraelsko-palestinskog sukoba tokom kojeg je 120 Palestinaca poginulo, a više od 900 povrijeđeno.Tri Izraelca su poginula u tom konfliktu.
AP navodi da se Izrael oslanja na mrežu lokalnih informatora da identifikuje ciljeve.
Galerija
Bonus video:
