Na ruskom Arktiku u junu su zabiljležene rekordne temperature koje su izazvale velike požare u tundri, rekao je direktor ruske meteorološke službe, povezujući te "izuzetne" anomalije s klimatskim promjenama, piše N1.
"Imali smo izuzetno neuobičajene vremenske uslove" u junu i "rekordi su lako srušeni", rekao je Roman Vilfand na konferenciji za novinare u Moskvi. On je kao primjer naveo rekord u arktičkom gradu Verhojansku, gdje je 17. juna izmjereno 38 stepeni Celzijevih.
"To je neverovatno", istakao je Vilfand, precizirajući da je u tom gradu pred kraj 19. vijeka izmjerena rekordno niska temperatura od 67,8 stepeni ispod nule.
Nekoliko regiona na sjeveru Rusije, među kojima područja u Jakutskoj Republici na obali Atlantskog okeana, poslednjih nedelja je suočeno s toplotnim talasom.
Sela u tundri, područjima prekrivenim travom i niskim rastinjem karakterističnim za Arktik, suočena su s velikim požarima.
Prema Vilfandovom mišljenju, porast temperatura i sunčanog vremena na Dalekom sjeveru izazvani su klimatskim promjenama i promjenama u cirkulaciji vazdušnih struja, s češćim polarnim anticiklonama koje donose sunčano vrijeme.
Ljeti, izostanak oblaka izazvan anticiklonama zagrava Arktik, objasnio je ruski meteorolog.
"Meteorolozi prije nisu često bili svjedoci opasnim požarima u polarnim područjima", rekao je, ističući da su anticikloni postale daleko češći i da ih je teško predvidjeti.
Požari izazvani visokim temperaturama pokreću začarani krug jer se pepeo od požara taloži u polarnim regijama zbog čega se brže topi led koji inače reflektuje sunčeve zrake i sprječava zagrijavanje tla.
Prema zvaničnim procjenama, Rusija se zagrijava oko 2,5 puta brže od ostatka svijeta zbog svojih ogromnih arktičkih prostranstava.
Bonus video:
