Veliki dio ledenog pokrivača Grenlanda procijenjen na oko 110 kvadratnih kilometra odlomio se na dalekom sjeveroistoku Arktika, naveli su naučnici koji kažu da je to dokaz brzih klimatskih promjena.
Dio glečera odlomio se u fjordu zvanom Njoghalfvjerdsfjorden koji je dug oko 80 kilometara i širok oko 20 kilometara, saopštio je danas Nacionalni geološki institut Danske i Grenlanda.
Glečer se nalazi na kraju sjeveroistočnog ledenog toka Grenlanda gdje ulazi u okean.
Godišnje topljenje za najveći arktički ledeni pojas na sjeveroistočnom Grenlandu mjeri se optičkim satelitima. Pokazuje se da su izgubljene ledene površine u posljednje dvije godine prešle svaka 50 kvadratnih kilometara.
Ledeni pojas je od 1999. izgubio 160 kvadratnih kilometara, što je preko dva puta veće od površine Grčke.
"Treba da budemo vrlo zabrinuti sa nečim što izgleda da je progresivno nestajanje najvećeg preostalog ledenog grebena na Arktiku", rekao je naučnik Džejson Boks.
"Još jedan masivan komad vitalnog morskog leda je pao u okean", rekla je portparolka Grinpisa Laura Meler koja se nalazi na brodu te organizacije "Arktik sanrajz" (Arctic Sunrise) na ivici morskog leda.
"To je još jedan znak uzbune koji označava klimatska kriza u brzo zagrijavajućem Arktiku", dodala je ona.
U avgustu je studija pokazala da je Grenland izgubio rekordnu količinu leda tokom izuzetno tople 2019. godine, sa toliko velikim topljenjem da bi moglo da pokrije američku državu Kaliforniju sa preko 1,25 metara vode.
Bonus video:
