Spasilački timovi iz više zemalja nastavljaju akciju deblokade Sueckog kanala, gdje nasukani teretni brod od srijede blokira jedan od najprometnijih trgovinskih puteva na svijetu.
Brod "Ever Given" je jutros i dalje u istoj poziciji.
Više tegljača i drugih brodova uključeno je u akciju deblokade, saopštila je služba nadležna za saobraćaj u kanalu.
Kako navodi AP, nije poznato kada će ruta ponovo biti otvorena.
"Ever Given" od 400 metara i težak više od 219.000 tona, plovio je pod panamskom zastavom ka Roterdamu.
Nasukao se pod naletom vjetra kada je prošao južni ulaz u Suecki kanal.
Više od 150 brodova ne može da nastavi plovidbu kroz kanal, što stvara ogromne gubitke.
Japanska kompanija koja je vlasnik teretnjaka izvinila se zbog "ogromne zabrinutosti" koju je incident izazvao.
Suecki kanal ima oko 193 kilometara i povezuje Sredozemno more i Crveno more. Najkraća je veza između Azije i Evrope.
Bonus video:
