Vojni sud u Kongu izrekao je 51 smrtnu kaznu za ubistvo dvoje stručnjaka Ujedinjenih nacija (UN) 2017. godine u regionu Kasai u centralnom dijelu Konga.
Na suđenju su izrečene i jedna kazna od 10 godina zatvora i dvije oslobađajuće presude.
Smrtna kazna se ne primjenjuje u Kongu od moratorijuma 2003. i preinačuje se u doživotnu kaznu zatvora.
Presuda na 146 stranica izrečena poslije više od četiri godine suđenja nije odgovorila na sva pitanja o ubistvu eksperata UN.
Amerikanac Majkl Šarp i Šveđanka Zaida Katalan nestali su 12. marta 2017. u regionu Kasai dok su istraživali masovne grobnice povezane sa oružanim sukobom koji je izbio nakon što su pripadnici snaga bezbjednosti ubili poglavicu Kamuina Nsapu.
Njihova tijela pronađena su u jednom selu dvije nedjelje kasnije. Mladoj ženi bila je odrubljena glava.
Osuđeni na smrt, od kojih je dvadesetak u bjekstvu, bivši su pripadnici milicije Kamuina Nsapu.
Bonus video:
