Filipinski predsjednik Rodrigo Duterte zaboravio je danas na protokol prilikom zvanične posjete Šinza Abea i primio japanskog premijera u svojoj kući u Davau, na jugu zemlje.
Šinzo Abe je doručkovao sa predsjednikom Filipina, jeo tradicionalne kolače od lepljivog pirinča i supu od mungo pasulja, zatim obišao njegov "skromni dom", čak i spavaću sobu, piše agencija Frans pres.
Zvaničnici su zatim imali isto tako neformalne razgovore u hotelu s pogledom na more. Duterte je bio u svoj omiljenoj i jednostavnoj odjevnoj kombinaciji – kariranoj košulji, pantalonama, cipelama, ali ne i čarapama.
Abe i Duterte prisustvovali su krštenju dvogodišnjeg filipinskog orla, endemske vrste koja je jedna od najugroženih u svijetu. Orao je dobila ime Sakura, po trešnjinom cvijetu, a japanski premijer je dobio na poklon plišanu pticu.
Premijer je na kraju jednodnevne posjete obišao japansku školu, a sudeći po fotografijama uživao je u boravku na Filipinima.
Šinzo Abe je prvi strani lider u posjeti Filipinima od izbora Dutertea za predsjednika u junu prošle godine.
Bonus video:
