Politička balsamovana mumija krenula je u izbornu kampanju sječom nepartijskih kadrova na Javnom servisu smijenivši tako Vladimira Pavićevića sa čela predsjednika Savjeta RTCG-a a dovodeći na njegovo mjesto profesora sa svoga privatnog, nazovi fakulteta (UDG-a), ocijenjeno je iz pokreta URA nakon smjene Vladimira Pavićevića sa čela Savjeta RTCG-a.
"Nakon što su izvršili pravno nasilje i smijenili stare članove Savjeta a nove postavili protivzakonito, sada su potpuno ogoljeni u svojim namjerama nastavili sa razrješenjem nepartijskih profesionalaca koji daju velik doprinos u tome da RTCG postane medijska kuća svih građana Crne Gore“, istakli su u pokretu URA.
Oni navode da ovim potezom jučerašnji zec iz šešira i balsamovana politička mumija želi da od javnog servisa napravi svoj izborni štab, kao pred svake prethodne izbore.
"Da dovede opet svoju partijsku svitu u ulozi direktora, urednika i novinara RTCG-a kako bi znao pitanja prije nego li se pojavi pred kamerama medijske kuće koju plaćaju svi građani Crne Gore. Jer u suprotnom, kako izaći pred lice javnosti i opravdati sav teret koji nosi za sobom“, tvrde u pokretu URA.
Dodaju da je prošlo dobrano vremena između uspona uličnog trabadura devedesetih i vjetroelektrana na Krnovu.
"Dođosmo do 21. vijeka i u godinama u kojima ni u Zimbabveu ne žele Mugabea, a kamoli Mila Đukanovića za visokog državnog funkcionera u Crnoj Gori", zaključuju u URA.
Bonus video:
