Odbor direktora Željezničkog prevoza smijenio je izvršnog direktora te kompanije Dragoljuba Šarovića.
Osim Šarovića, smijenjen je kompletan menadžment, odnosno direktori sektora i njihovi zamjenici.
Nominalni razlog je prelazak na novu dužnost, a stvarni, kako saznaju “ Vijesti”, višemjesečno neslaganje sa predsjednikom odbora direktora Rešadom Nuhodžićem oko načina razvoja željeznice.
Nuhodžić je kao dugogodišnji funkcioner u željeznici imao drugačiji pogled na razvoj željeznice od Šarovića koji je u tu kompaniju došao iz “Pobjede”.
Odbor direktora je ocijenio da je opšta situacija u poslovanju kompanije pogoršana.
Željeznički prevoz je nastao diobom nekadašnjeg velikog preduzeća Željeznice Crne Gore, iz koje je izdvojena i Željeznička infrastruktura. Željeznički prevoz je u planu privatizacije ali nije izvjesno kada će tender biti raspisan.
Šarović je na mjesto izvršnog direktora imenovan početkom maja ove godine, nakon smjene dotadašnjeg direktora Milivoja Pavićevića, koji je dobio zadatak da formira kompaniju Održavanje željezničkih vozila.
Bonus video:
