Socijaldemokratska partija (SDP) i Demokratska Crna Gora proslijediće Državnoj izbornoj komisiji (DIK) primjedbe na izbore u Petnjici.
Opštinska izborna komisija (OIK) odbila je juče prigovore tih partija, u kojima se ukazuje na neregularnost glasanja na pojednim biračkim mjestima. Opozicionim strankama je, između ostalog, odbijena primjedba na glasanje putem pisma na biračkom mjestu “Lagatori” kao i da je na pojednim biračkim mjestima veći dio glasačkih listića bio zaokruživan različitim bojama, flomasterima i geometrijskim oblicima.
“Napominjemo da smo u zakonskom roku uložili prigovore na sve navedene neregularnosti koje je OIK, bez adekvatnog obrazloženja, odbila kao neutemeljene. S obzirom na to da je OIK odbacila naše tvrdnje i nije uvažila prigovor, obavještavamo građane Petnjice da ćemo se obratiti Državnoj izbornoj komisiji i svim nadležnim organima kako bi se ove zloupotrebe detaljno istražile i izbori na biračkim mjestima na kojima su se dogodile izborne krađe ponovili”, saopštili su iz petnjičkog odbora SDP-a.
Bonus video:
