Međunarodni paraolimpijski komitet (IPC) odlučio je danas da ruski sportisti ne mogu učestvovati na Paraolimpijskim igrama u Riju od 7. do 18. septembra.
IPC je takvu odluku donio na osnovu izvještaja nezavisne komisije Svjetske antidopig agencije (WADA), koju je predvodio Ričard Meklaren
"Antidoping sistem u Rusiji je narušen, korumpiran i upoptpunosti je kompromitovao sebe. Ruski paraolimpijski komitet nije u stanju da obezbijedi poštovanje kodeksa IPC vezano za borbu sa dopingom u sportu, a takođe ni pravila međunarodnog antidoping kodeksa. Oni nemaju mogućnost funkcionisanja prema propisima IPC. Zato smo donijeli odluku da odstranimo Ruski paraolimpijski komitet, odlukom koja stupa na snagu odmah - kazao je predsjednik IPC-a, Filip Krejven.
A britanski dnevnik "Gardijan" je prije zvanične objave, obavijesetio da će Ruski paraolimpijski komitet biti suspendovan, jer je prema izvještaju Meklarena od 18. jula nestalo čak 35 doping proba ruskih paraolimpijaca.
Bonus video:
