Slovenka Tina Maze pobjednica je trećeg veleslaloma sezone koji je za Svjetski kup alpskih skijašica vožen danas u švedskom Oreu.
Ona je bila sedma nakon prve vožnje, a do pobjede došla je u ukupnom vremenu dva minuta, 23 serkunde i 84 stotinke.
To je njena treća pobjeda ove sezone, 14. u veleslalomu, ukupno 26. u Svjetskom kupu.
Maze je ove sezone dobila slalom u finskom Leviju i spust u kanadskom Lejk Luisu.
Sa 20 sekundi zaostatka drugo mjesto osvojila je Šveđanka Sara Hektor i izborila prvi podijum u karijeri.
Vodeća nakon prve vožnje, Austrijanka Eva-Marija Brem, bila je treća sa 28 stotoinki slabijim vremenom od pobjednice.
Na četvrtom mjestu završila je Italijanka Federika Brinjone, peta je bila njena sunarodnica Nađa Fankini, a šesta Austrijanka Ana Feninger.
Brem je vodeća u plasmanu veleslaloma sa 220 bodova.
Amerikanka Mikaela Šifrin je druga sa 166, dok četiri boda manje ima trećeplasirana Feninger.
U generalnom plasmanu Svjetskog kupa čelnu poziciju zauzima Maze sa 480 bodova.
Feninger je druga sa 303, a treća Katrion Cetel sa 274 boda.
Skijašice će u subotu voziti slalom.
Bonus video:
