Gorio razvodni ormar za struju u tivatskom hotelu

U manjem požaru koji je juče oko 11.20 sati izbio u hotelu “Aurora” u tivatskom naselju Kalimanj, pričinjena je manja materijalna šteta, a sve je proteklo bez ozbiljnijih posljedica zahvaljujući pravovremenoj i efikasnoj intervencji pripadnika Službe zaštite Opštine Tivat.

Prema riječima načelnik te Službe Draga Kordića, do požara je došlo u pomoćnim prostorijama, blizu kuhinje hotela. Zapalio se razvodni TEP ormar za struju gdje su gorjeli kablovi.

Brzom intervencijom vatrogasaca koji suna teren izašli sa dva vozila, požar je odmah ugašen i spriječene su teže posljedice.

Povrijeđenih nije bilo, a sve se završilo sa manjom materijalnom štetom.