Ragbisti Arsenala Porto Montenegro propustili su šansu da na turniru u Dubrovniku proteklog vikenda, kolo prije kraja, dođu na čelo Jadranske lige pa će odluka o ovogodišnjem prvaku biti donijeta na narednom turniru u Mostaru 19. maja. Arsenal sada ima 38, a Makarska 42 boda na tabeli.
Arsenal je u Dubrovniku pobjedio Herceg iz Mostara rezultatom 40:0, domaćina Inviktusa 33:14 i ekipu Cetinja 38:5. U finalu turnira izgubio je od Makarske 12:10, uz promašeno pretvaranje od dva boda a i igrača manje imao je većinu drugog poluvremena.
Drugi crnogorski predstavnik, ragbi klub Cetinje igrao je nerješeno 12:12 sa Neretvom iz Metkovića, a izgubio je od lidera Makarske sa 20:7 i u polufinalu od domaćina Invuctusa iz Dubrovnika 19:7. Cetinjani bi na turniru u Mostaru mogli da se bore za četvrto ili treće mjesto.
Bonus video:
