Grčki režiser Teo Angelopulos najavio je da će njegov sljedeći film biti o dužničkoj krizi koja je pogodila njegovu zemlju i uzdrmala Evropsku uniju."Spremam film čija je tema grčka kriza", izjavio je sineasta.
"Situacija je užasna. Ništa od onoga za šta smo se borili nije se ostvarilo. Zanijemio sam od ekonomske krize moje zemlje, ne vidim nikakav izlaz", dodao je Angelopulos, a prenijela grčka agencija ANA."Evropa je bila san koji se veoma brzo urušio", ocijenio je Angelopulos.
"Mi (Grci) nismo jedini. Irska, Portugal i Španija su takođe suočeni da ozbiljnim ekonomskim problemima. A ni Italiji nije baš najbolje. Možda je Evropa bankrotirala".Teo Angelopulos (76), jedan od najuglednijih grčkih režisera, poznat je po filmovina "Putujući glumci", "Lovci", "Aleksandar Veliki", "Put u Kiteru", "Pčelar", "Predjeli u magli", "Prekinuti korak rode" i "Odisejev pogled".
Bonus video:
