Britanski ulični umjetnik Benksi napravio je novi mural u Njujorku u kome protestuje zbog zatvaranja turske slikarke i novinarke Zehre Dogan.
Dogan je uhapšena kada je naslikala sliku na kojoj je prikazana turska zastava kako leprša iznad ruševina razorenog grada Nusajbina na kurdskom jugoistoku Turske.
Prema grupi za ljudska prava Pen Internešenal ona je osuđena u martu 2017. godine za "širenje propagande terorističke organizacije".
Na Benksijevom muralu od 20 metara se vidi lice mlade žene iza rešetaka okružene serijom crtica kao one što ispisuju zatvorenici da broje dane provedene u zatvoru.
Mural je naslikan na čuvenom zidu za grafite na raskrsnici ulice Hjuston i Boueri na Menhetnu.
U donjem desnom uglu murala nalazi se slogan Oslobodite Zehru Dogan.
"Zehra Dogan je osuđena na skoro tri godine zatvora zbog toga što je naslikala jednu jedinu sliku", napisao je na svom Instagramu Benksi čiji identitet još uvijek nije otkriven.
Bonus video:
