Skijašica iz Lihtenštajna, Tina Vajrater, pobjednica je prvog superveleslaloma sezone, koji je za Svjetski kup alpskih skijašica vožen večeras u Lejk Luisu.
Ona je do prve pobjede ove sezone, osme u Svjetskom kupu, došla u vremenu minut, 18 sekundi i 52 stotinke. Vajrater, koja brani trofej u superveleslalomu, za 11 stotinki bila je brža od drugoplasirane Švajcarkinje Lare Gut. Austrijanka Nikol Šmithofer bila je treća sa zaostatkom od 27 stotinki.
Na četvrtom mjestu završila je Francuskinja Tesa Vorli, peta je bila Amerikanka Mikaela Šifrin, a šesta Italijanka Johana Šnarf.
Vajrater je vodeća u plasmanu superveleslaloma sa 100 bodova, ispred Gut sa 80 i Šmithofer sa 60 bodova.
U generalnom plasmanu čelnu poziciju zauzima Šifrin sa 510 bodova. Rebensburg je druga 338, a treća Vajrater sa 238 bodova.
Bonus video:
