Slovenački bend Lajbah će, u okviru turneje Liberation Day Tour, 19. i 20. avgusta nastupati u glavnom gradu Sjeverne Koreje Pjongjangu. Kontroverznost nastupa pojačava činjenica da je dogovoren na Dan oslobođenja od Japana. Na korejskom nastupu Lajbahovci pripremaju program koji se bazira na obradi pjesama iz filmskog klasika “Moje pjesme, moji snovi”, za koji tvrde da su uz njega odrastali i da je ideja za njihovu obradu dugo bila na čekanju, piše Jutarnji list.
"Ovo će biti izuzetno zanimljiva i erotična razmjena političkih i kulturnih iskustva kako za nas, tako i za domaćine”, kazao je za taj list Jani Novak, lider benda i dodao: “Za nas je Sjeverna Koreja fascinantna pop-zemlja, a kada smo doznali da oni tamo već imaju svoje verzije muzike iz kultnog filma ‘Moje pjesme, moji snovi’, bili smo šokirani koincidencijom i odmah smo znali da je to znak, da je vrijeme za akciju, da je čas da aktiviramo tu staru ideju. Još više nas je uzbudila informacija da oni tamo uče engleski prema tom filmu”.
Lajbah, koji ove godine obilježava 35 godina od početka rada, nakon Koreje pregovara za nastupe u u Pekingu, a žele da nastupe i u Iranu.
Bonus video:
