180 hiljada engleskih funti je sve što je ostalo od ukupnog bogatstva pokojne pjevačke dive Ejmi Vajnhaus, za koju se procjenjivalo da je na vrhuncu svoje slave vrijedjela oko 10 miliona funti.
Bogatstvo se istopilo nakon što su njeni roditelji podmirili sve njene dugove i račune za posljednje dvije godine.
Ejmin otac Mič otkrio je medijima kako su on i njegova bivša supruga Dženis morali da podignu kredit od 600.000 funti kako bi pokrili troškove zatvaranja finansijskih poslova svoje kćerke.
Ejmi je za života trošila novac bez razmišljanja o budućnosti, a kada je imala ona, imali su i svi oko nje. Navodno je samo na drogu trošila i do hiljadu funti dnevno.
Živjela je u kući vrijednoj 1.8 miliona funti, trošila je po 20.000 funti prilikom samo jednog odlaska u kupovinu a svoje obezbjeđenje je plaćala 250 funti po danu.
Nesebična pjevačica plaćala je i svojim momcima i prijatejlima i stanarine, kupovala im je odjeću i dovila ih je na putovanja. Osim toga, novac je davala i za brojne humanitarne projekte.
„Ejmi je bila kao beba. Nije mogla da prestane da dijeli novac drugim ljudima i njen otac je znao da je već potrošila veliki dio novca“, izjavio je njen prijatelj Aleks Forden.
Procjenjuje se da će se njena ostavština znatno popraviti nakon što se izračuna dobit od albuma prodatih nakon smrti.
Galerija
Bonus video:
