Hrvatski kantautor Zlatan Stipišić Gibonni greškom je na vinilnom izdanju mini LP-a “U po’ ure”, koji je za slušanje dostupan samo onima koji posjeduju gramofon, objavio pogrešnu pjesmu. Tako se umjesto pjesme “Ko si da si” koja je navedena na omotu albuma, našla kompozicija “Božjon voljom”.
Za Slobodnu Dalmaciju Gibonni je ispričao kako je došlo do zabune.
”U češku firmu koja je trebalo da odštampa ploču poslali smo master snimak na kojme je zadnja pjesma morala biti ista kao i na CD-u. Ali, otišao je pogrešan, na kome je ova druga. Budući da Česi to nisu uspjeli da odštampaju u dogovorenom roku, proslijedili su ga u Španiju, drugoj firmi, kojoj smo mi poslali pravi, ali tamo se dogodila zamjena. Kako, ne znamo”, ispričao je muzičar.
”Na vinilu je na kraju završila kao posljednja pjesma ‘Božjon voljom’, iako na omotu piše da je na njenom mjestu 'Ko si da si',” dodao je Gibonni.
Ko bude imao priliku da dođe do jednog od 600 primjeraka Gibonnijevog vinilnog mini LP-ja, imaćete raritetni primjerak jer uskoro će biti odštampano i “pravo” izdanje, s vinilom u drugoj boji i sa najavljenom pjesmom “Ko si, da si” na kraju.
Bonus video:
