Prema informacijama javnog servisa NDR i lista „Zidojče cajtung“, advokat Tila Lindemana povukao je nalog protiv organizacije „Kampakt“ (Campact) kojim je želio da sudski zabrani određene formulacije u peticiji na internet-platformi te organizacije.
Uoči održavanja tri koncerta „Ramštajna“ u Berlinu sredinom jula, peticiju pod nazivom „Nema bine za Ramštajn“ potpisalo je skoro 78.000 ljudi. Njome je traženo da se koncerti otkažu, jer Berlin, kako je navedeno, ne smije da postane mjesto za seksualno zlostavljanje. „Za pjevača ’Ramštajna’ Tila Lindemana se tvrdi da je redovno i sistematski seksualno zlostavljao mlade žene na koncertima“, navedeno je u kratkom tekstu peticije.
NE PROPUSTITE
Lindeman je sa svoj strane želio da platformi zabrani takve i slične formulacije u tekstu peticije, ali se Okružni sud u Berlinu, u svojoj preliminarnoj ocjeni, pokazao kao otvoren za argumente druge strane. Ocijenio je, naime, da termin „seksualno zlostavljanje“ treba smatrati dozvoljenim izražavanjem mišljenja u smislu „nespornih seksualnih kontakata podnosioca zahtjeva na njegovim koncertima“. Sve to je stajalo u pismu Suda od 27. jula, u koje su uvid imali i novinari NDR i lista „Zidojče cajtung“.
Kao rezultat toga, Lindemanov advokat povukao je zahtjev 10. avgusta. Pošto su koncerti „bili davno“, tražena zabrana više nije relevantna, napisao je sudu kao opravdanje.
"Važan signal"
Organizacija „Kampakt“ to tumači kao priznanje poraza. Bio je to, ocjenjuju, „važan signal“ za sve koji su javno komentarisali incidente na koncertima „Ramštajna“. „Nadamo se da će to podstaći i druge ljude da javno pričaju o svojim iskustvima“, rekao je izvršni direktor organizacije Feliks Kolb, ujedno naglasivši da je: „Lindemanova strategija da ućutka sve kritičare na kraju propala.“
Regionalni sud u Hamburgu je ranije u drugom slučaju utvrdio da je postojao sistem oko Lindemana u kojem su žene regrutovane za žurke poslije koncerata sa mnogo alkohola i seksa. „Činjenica da bend održava takav sistem je događaj od velikog javnog interesa koji je posebno vrijedan pažnje“, ocijenio je sud. Prema istraživanju NDR-a i „Zidojče cajtunga“, šestoro ljudi je bilo uključeno u taj sistem posljednjih godina, uključujući i Lindemanovog menadžera i bivšeg tjelohranitelja.
Bonus video:
