Niko od ispitanika mlađih od 25 godina na Islandu ne vjeruje da je svijet stvoren od Boga, prenosi RTL.hr
To je utvrđeno u anketi koju je sprovelo Islandsko etičko humanističko udruženje.
Gotovo 94 posto ispitanih vjeruje da je svijet stvoren Velikim praskom, a ostali ili nemaju mišljenje ili smatraju da je moglo do toga doći na neki drugi način. Međutim, niko ne vjeruje da smo na ovom svijetu božjom voljom, odnosno da je život stvoren prema biblijskim tumačenjima.
Prema ovom istraživanju, tek 61 posto ispitanika se smatra religioznima, dok Islandska asocijacija koja okuplja ateiste tvrdi da se tek 46,4 posto Islanđana smatra religioznim, prenosi RTL.hr.
Ispitanici u dobi od 25 do 44 godine života u 77,7 posto slučajeva vjeruju kako je svijet nastao Velikim praskom, a tek 10 posto to pripisuje Bogu.
Najreligijozniji su starije generacije Islanda. Ispitanici stariji od 55 godina u jednoj četvrtini slučajeva smatraju kako je Zemlja nastala božjom voljom.
Bonus video:
