"Pivska milja" (Beer Mile) nije olimpijska disciplina, ali s obzirom da privlači sve veći broj sportista nije isključeno da jednog dana to i postane.
Takmičari trče jednu milju, odnosno četiri kruga na atletskoj stazi (1.600 metara), a prije svakog kruga moraju da ispiju po jednu limenku piva.
Prošlog petka, Kanađanin Luis Kent, student Univerziteta Zapadnog Ontarija, postavio je novi svjetski rekord u ovoj disciplini istrčavši stazu za četiri minute i 55 sekundi, što je sekund manje od prethodnog najboljeg rezultata koji je samo dan ranije ostvario Australijanac Džoš Haris.
Kent i Haris će imati priliku da međusobno izmjere snagu 22. avgusta u San Francisku kada će biti održana trka "Beer Mile Clašic", odnosno svjetsko prvenstvo u "pivskom trčanju"
Bonus video:
