Pored čuvenog zagonetnog osmjeha i mnogih teorija u vezi sa najpoznatijom Leonardovom slikom, još jedna stvar je godinama facinirala istoričare, odnosno amatere istraživače - zašto Mona Liza nema obrve ni trepavice?
U renesansnoj Firenci vrhunac mode za žene je predstavljalo brijanje obrva i čupanje trepavice. Upravo zbog toga, većina ljudi smatra da je i Mona Liza naslikana bez obrva i trepavica. Međutim francuski inženjer Paskal Kot tvrdi drugačije...
Naime, Kot je uložio više od 3.000 sati detaljno ispitujući Da Vinčijevu čuvenu sliku. Detaljnim skeniranjem slike Kot je uspio da prodre u dubinu platna i „vidi“ prošlost portreta žene firentinskog trgovca iz 16. vijeka.
Na najčuvenijoj slici na svijetu prvobitno su se nalazile obje obrve i trepavice, tvrdi Kot, koji kaže da se na njegovim snimcima od 240 megapiksela vide tragovi „Mona Lizine“ lijeve obrve, izbrisane prilikom davnih restauracija.
„Samo jednim snimkom ulazite dublje u konstrukciju slike i shvatate da je Leonardo bio genije“, izjavio je Kot na otvaranju izložbe o njegovim otkrićima u San Francisku.
Galerija
Bonus video:
