U drugom krugu predsjedničkih izbora u Kolumbiji u junu rivali će biti bivši senator Ivan Duke i bivši ljevičarski gerilac i nekadašnji gradonačelnik Bogote Gustavo Petro, koji su osvojili najviše glasova u jučerašnjem prvom krugu glasanja.
Iako je Petro osvojio 25 odsto glasova i nije uspio da izbjegne drugu rundu izbora koja će biti održana za tri sedmice, čini se da je bio zadovoljan rezultatom.
Zadovoljstvo je podijelio sa suprugom Veronikom, čiji su poljubac zabilježile kamere.
Petru je ovo drugi brak i otac je petoro djece.
Mediji pišu da bi suočavanje Duke i Petra u drugom krugu moglo da ima šire posljedice po mirovni sporazum kojim je poslije više od 50 godina okončan oružani sukob sa ljevičarskim pobunjenicima, a u kojem je najmanje 250.000 ljudi ubijeno, 60.000 nestalo i više od sedam miliona raseljeno.
Bonus video:
