Ljudi nijesu jedini kojima ponekad mogu pomoći jednostavni kućni ljekovi.
Ti kućni ljekovi pomažu i u liječenju probavnih i želudačanih problema i kod životinja.
Jedan lijek je isproban i djeluje pri ublažavanju probavnih tegoba i kod ljudi i kod životinja - soda bikarbona, tvrdi njemačka organizacija za zaštitu životinja Aktion Tier.
Soda bikarbona neutrališe kiselinu koja se stvara u želucu i smiruje želudačanu sluznicu i jednjak.
Veterinarka Tina Helšer kaže da ćete lako znati kada vaš kućni ljubimac ima upalu želudačane sluznice.
Navodi da su ti znakovi povraćanje, pojačano uzimanje vode, potištenost i odbijanje hrane. Isti simptomi se pojavljuju i kod gorušice.
"Kod liječenja manjih životinja sodom bikarbonom, stavite veoma malu količinu, koliko stane na vrh noža, u njihovu hranu", savjetuje Helšer.
Navodi da je još bolje otopiti sodu bikarbonu u vodi i mješavinu špricom unijeti u usta, sat vremena nakon obroka.
Oni koji preferiraju tačne količine, kako prenosi agencija Hina, mogu da izmjere 50 miligrama sode bikarbone po kilogramu tjelesne težine i treba je davati životinji svakih 12 sati.
Liječenje ovom kućnom terapijom ne bi smjelo da bude dugoročno rješenje.
Ako se simptomi gastritisa kod kućnog ljubimca ne povuku ni nakon dva dana, obavezno treba da se povede kod veterinara.
Bonus video:
