Uma dobila starateljstvo

Nakon prilično prljave sudske bitke sa bivšim partnerom, glumica Uma Turman dobila je starateljstvo nad svojom četvorogodišnjom ćerkom Lunom.

Ona se sa biznismenom Arpadom Busonom rastala 2014. i od tada su se viđali samo na sudu, gdje su tabloidima redovno davali materijala za tekstove.

Francuski milijarder je tokom procesa izjavio da slavna glumica boluje od mentalne bolesti, kao i da miješa tablete sa alkoholom. Takođe je najbrojao imena lijekova koje Uma navodno koristi za nesanicu i depresiju.

Advokati glumice mu nisu ostali dužni, pa su ga u Vrhovnom sudu Menhetna pitali da li je “navučen na prostitutke” i da li je ikada unajmio nekoga da polaže ispite na fakultetu umjesto njega. Buson je prvo negirao, a drugo priznao.