Borusija Dortmund - PSŽ 1:0
Filkrug 36.
Fudbaleri Borusije Dortmund savladali su večeras na domaćem terenu PSŽ (1:0) u prvom meču polufinala Lige šampiona.
Jedini gol postigao je Filkrug u 36. minutu.
PSŽ je imao veći posjed u prvom poluvremenu, ali su u tom dijelu bolje šanse imali domaći igrači.
Dortmund je prvo zaprijetio u 14. minutu Sabicer je nakon asistencije Branta šutirao, ali je Donaruma odbranio, da bi u 36. minutu Šloterbek poslao dugu loptu, a Filkrug izbjegao ofsajd zamku i zatresao mrežu.
U finišu prvog dijela je još jednu šansu imao Sabicer, ali je Donaruma odbranio.
U drugom poluvremenu su bolje šanse imali gosti, a prvi je zaprijetio Mbape, koji je pogodio stativu, da bi u nastavku akcije lopta došla do Hakimija, koji je takođe pogodio okvir gola.
Nakon toga je veliku priliku propustio Fabijan Ruiz, a onda je na drugoj strani, nakon centaršuta Sanča, Filkrug sa oko pet metara prebacio gol.
Filkrug je nakon toga još jednom bio neprecizan, a PSŽ je imao dvije šanse preko Dembelea, koji nije mogao da pronađe put do mreže.
Revanš je sedmog maja u Parizu.
87. minut - centaršut Vitinje, dobro kretanje i šut Ruiza, ali nema promjene rezultata.
80. minut - kakav promašaj Dembelea. Odlično kretanje Hakimija, koji je ušao u kazneni prostor, oslobodio se Matsena, proigrao Dembelea, koji je bio sam, ali je šutirao preko gola.
72. minut - PSŽ je imao još jednu dobru šansu, Mbape je prebacio loptu do Dembelea, koji je šutirao, ali je Kobel dobro intervenisao.
66. minut - Filkrug je ponovo imao priliku, ali je, nakon centaršuta Matsena, šutirao pored gola.
60. minut - odgovorio je Dortmund, velika šansa za Filkruga. Sančo je odradio veliki posao, oslobodio se Mendeša, ušao u kazneni prostor, pronašao Filkruga, koji je sa oko pet metara bio neprecizan.
56. minut - još jedna šansa za PSŽ, Fabijan Ruiz je bio između Šloterbeka i Humelsa, šutirao je sa nekoliko metara, ali lopta odlatzi pored gola.
54. minut - PSŽ sve opasniji, još jednom je zaprijetio Mbape, ali je Kobel bio siguran.
51. minut - dva puta je PSŽ pogodio stativu. Prvo je Mbape šutirao i pogodio okvir gola, a onda je stativu, u nastavku akcije, pogodio Hakimi.
Počelo je drugo poluvrijeme.
Kraj prvog poluvremena, Dortmund vodi 1:0, strijelac Filkrug.
PSŽ je imao veći posjed lopte, ali je Borusija bila konkretnija, a osim gola imala još dvije dobre prilike.
44. minut - velika šansa za Sabicera, šutirao je sa desetak metara, ali je Donaruma odlično intervenisao.
42. minut - mora Luis Enrike da mijenja. Beraldo ulazi umjesto Ernandesa, koji se povrijedio prilikom udarca Filkruga, kod pogotka "milionera".
36. minut - Vodi Borusija 1:0, strijelac Filkrug, njegov treći u Ligi šampiona ove sezone.
Šloterbek je poslao dugu loptu, Filkrug je izbjegao ofsajd zamku, izašao sam ispred Donarume i zatresao mrežu.
Gol pogledajte ovdje.
Prošlo je pola sata utakmice u Dortmundu. Nema golova, a najbolju šansu je propustila Borusija, tačnije Sabicer, kada ga je zaustavio Donaruma.
19. minut - Matsen je dobio žuti karton.
18. minut - opet Dembele šutira sa distance, ali lopta odlazi pored gola.
14. minut - šansa za Dortmund, Sančo je osvojio loptu u duelu protiv Mendeša, potom je Brant ubacio u kazneni prostor do Sabicera, koji je šutirao, ali je Donaruma odbranio.
11. minut - prvi šut na utakmici, probao je Dembele sa oko 25 metara, lopta je otišla pored gola.
Počela je utakmica u Dortmundu.
Bonus video:
