Ministarstvo odbrane Rusije objavilo je odluku vrhovnog komandanta Vladimira Putina o novoj iznenadnoj provjeri borbene gotovosti oružanih snaga.
Vježba će zahvatiti južni, zapadni i centralni okrug, kao i Sjevernu flotu, Vazdušno-kosmičke snage i Vojno-desantne snage, saopštio je general Sergej Šojgu.
"Danas će u skladu sa odlukom vrhovnog komandanta Oružanih snaga Rusije početi još jedna u nizu iznenadnih provjera. Vojske Južnog, dijela snaga Zapadnog i sredstava Zapadnog i Centralnog vojnog okruga, Sjeverne flote, Glavne komande Vazdušno-kosmičkih snaga i Vazdušno-desantnih saga od 7 časova po moskovskom vremenu provjeriće borbenu gotovost", objavio je Sergej Šojgu na sjednici kolegijuma Ministarstva odbrane Rusije.
Kako navodi Sputnik, provjera će trajati od 25 do 31. avgusta. Prema najavama Šojgua, u Južnom vojnom okrugu je u toku aktivna priprema strateških vojnih vježbi "Kavkaz-2016".
"Organi vojne uprave, vojnih jedinica i odreda za specijalnu i materijalno-tehničku logistiku su tokom 12 specijalnih vježbi izvršavali zadatke blagovremenog raspoređivanja trupa", rekao je ministar.
Ministar je naložio da se informišu vojni atašei stranih država o početku iznenadne provjere borbene gotovosti vojske.
Bonus video:
