Slovački sud je saopštio da je odredio pritvor za četiri osobe osumnjičene za brutalno ubistvo istraživačkog novinara Jana Kucijaka i njegove vjerenice Martine Kušnirove. Oni su uhapšeni u četvrtak i petak i prijete im optužnice za ubistvo Kucijaka i Kušnirove 21. februara u njihovom domu. Sud je odlučio da četvorka ostane u pritvoru zbog mogućnosti da, u slučaju puštanja na slobodu, učestvuje u kriminalnim aktivnostima ili pokuša da utiče na svjedoke, navodi AP. Slovačke vlasti vjeruju da je riječ o plaćenom ubistvu povezanom s Kucijakovim radom. Istražujući korupciju u slovačkoj vladi, on je pisao o vezama visokih slovačkih zvaničnika s kalabrijskom i albanskom mafijom u agrobzinisu na jugu i istoku zemlje. Ubistvo Kucijaka i Kušnirove izazvalo je političku krizu u zemlji i dovelo do masovnih protesta građana, smjene šefa policije i pada vlade Roberta Fica u martu.
Bonus video:
