Investitor iz Indije Sanđiv Kanoria odabran je kao kupac austrijskog dijela Hypo Alpe Adria banke, za šta će platiti 65,5 miliona eura, javljaju agencije.
Prvi operativac Hypo banke Gotvald Kranebiter rekao je da je ovo važan korak u uslovima vrlo teške tržišne utakmice u Evropi. Dodao je kako Kanoria nije samo najbolji ponuđač već ima i prvoklasno iskustvo u međunarodnom poslovanju i odlične veze, prenosi SEEbiz.
Kanoria je izjavio da će uz održanje bankovnog poslovanja njegov glavni cilj biti obezbjeđivanje apsolutne sigurnosti štednih uloga.
Evropska komisija je produžila rok u kojem Austrija mora da dostavi plan prodaje najvrijednijeg dijela HAAB-a - podružnica u Hrvatskoj, Sloveniji, Srbiji, BiH i Crnoj Gori.
Austrijska vlada ima vremena do kraja juna da pošalje plan koji Evropska komisija treba odobriti i po kojem bi se svi djelovi Hypo banke prodali do kraja ove godine.
Hypo banka posluje i u Crnoj Gori.
Bonus video:
