Šest bivših zatvorenika iz Gvantanama, koji su poslati u Urugvaj, "pretvoreni su gotovo u biljke tokom njihovog pritvora", izjavio je predsjednik Urugvaja.
Zatvorenici su poslati u Urugvaj u sklopu nastojanja predsjednika SAD Baraka Obame da zatvori američki zatvor Gvantanamo na Kubi.
U intervjuu za Rojters, četiri dana prije nego što njegov nasljednik Tabare Vaskez preuzme dužnost, predsjednik Hose Muhika je rekao da šestorici zatvorenika nedostaje snaga volje da nauče španski jezik i da se integrišu.
Muhika, bivši gerilski lider koji je sam bio u zatvoru tokom vojne diktature 1973-85. nazvao je Gvantanamo "ljudskom sramotom". "Potrebno im je da se oporave, ali ja ne znam da li će uspjeti", kazao je Muhika. Muhika je jedan od najpopularnijih lidera u Latinskoj Americi zbog direktnog stila govora i saosjećanja prema najsiromašnijim slojevima društva. On je postavio Uragvaj na mapu svijeta sa radikalnim mjerama, kao što je njegova odluka da primi zatvorenike iz Gvantanama, ali i da legalizuje gajenje, distribuciju i prodaju marihuane, navela je britanska agencija.
Bonus video:
