Izraelski obaveštajci prisluškivali su telefonske razgovore državnog sekretara SAD Džona Kerija, dok je, ranije ove godine, pokušavao da posreduje mirovnom sporazumu između Izraela i Palestinske uprave, prenose danas izraelski mediji pisanje njemačkog "Špigla".
Taj izvještaj je potvrdilo nekoliko izvora u obavještajnoj zajednici, kako je naveo taj list. Keri je koristio obične telefone, kao i one šifrovane telefonske linije i ti šifrovani razgovori su prišluskivani preko satelita.
Vlada u Jerusalimu je koristila informacije iz Kerijevih razgovora u svojim pregovorima, piše dalje njemački list.
Stejt department SAD i Izrael su odbili da bilo sta komentarišu.
Pregovori kojima su posredovale SAD čitavih devet mjeseci doživjeli su krah krajem aprila.
Izrael ih je zapravo suspendovao, nakon što je sekularni Fatah palestinskog predsjednika Mahumda Abasa sklopio pakt o pomirenju s rivalskim islamističkim Hamasom, koji izraelska strana smtra terorističkom organizacijom.
U maju je američki magazin "Njuzvik" objavio da su izraelske obavještajne operacije u SAD bez rivala i neprimjetne, kao i da se nadgledaju i visoki zvaničnici Bijele kuće.
Izraelski politički establišment je oštro reagovao na takve optužbe.
Izraelski ministar Juval Stajnic, zadužen za obavještajne poslove, tim povodom je izjavio da neko pokušava maliciziono i namjerno da nanese štetu odnosima između Izraela i SAD.
Stajnic je odbacio izvještaj "Njuzvika", istakavši da nema osnove.
Bonus video:
