Udruženje boraca narodnooslobodilačkog rata i antifašista Kotora, Tivta i Herceg Novog (UBNOR) i Savez udruženja boraca narodnooslobodilačkog rata (SUBNOR), u odvojenim posjetama, obilježili su danas 76-godišnjicu pogibije narodnih heroja Nikola Đurkovića, Sava Ilića i prvoboraca Stijepa Šarenca i Danila Daša Pavićiča.
Polaganjem vijenaca i cvijeća na Podima i Savini odata je pošta najistaknutijim članovima MK KPJ Boke Kotorske koji su, kako je istakao predsjednik UBNORa Herceg Novi Branko Božović, bili izdani i opkoljeni sa preko 300 neprijateljskih vojnika i oko 200 domaćih izdajnika. Božović je podsjetio da su ovi junaci, poslije pokušaja proboja sa bombama u rukama bez nade za spas, uspjeli i da spale arhivu kako neprijatelju ne bi ostala nikakva informacija o partizanskom pokretu.
I pripadnici UBNOR-a odali počastČetiri istaknuta člana Mjesnog komiteta, na čelu sa Nikolom Đurkovićem, ubijeni su 21. januara 1943. godine na Podima, čemu je prethodio susret predstavnika risansko-krivošijske i hercegnovske grupe ilegalaca.
Nakon što je saznao za susret, neprijatelj je opkolio i napao grupu Mjesnog komiteta kada su i poginuli narodni heroji i prvoborci oko čije odjeće su četnici zaigrali kolo. Ovaj događaj krišom je fotografisao simpatizer KPJ Luka Cirigović čime je sačuvano i sjećanje na, u narodu prozvano, „Krvavo kolo“.
Bonus video:
