Senad Ajanović i Arijan Pjevović pronašli su prije par dana novčanik sa 2.350 eura i dvije kreditne kartice u restoranu “Trebovina”, gdje rade kao konobari i vratili ih vlasniku, Njemcu Mustafi Akiliju, koji je boravio u istoimenom pansionu.
Dvojica poštenih nalazača novčanik su pronašli na terasi restorana, gdje su ujutro došli da popiju kafu jer tog dana nijesu bili u smjeni.
Nijednog trenutka nijesu pomislili da novac zadrže za sebe već su o svemu obavijestili vlasnika “Trebovine” J mina Ajanovića.
Ajanović je utvrdio da novčanik pripada Akiliju koji je je dan prije večerao na terasi restorana.
Nakon večere Akili je otišao na spavanje, ne primijetivši da je izgubio novčanik. Ujutro, nakon što se probudio novčanik mu je vraćen, a zadovoljni vlasnik poštene nalazače častio je sa po 50 eura.
Za ovaj plemenit gest, dvojica konobara nagrađeni su i od vlasnika “Trebovine”, koji im je dao po tri slobodna dana.
Bonus video:
