Novinar Marko Milačić kazao je da mu je danas, na Koniku, na biračkom mjestu 85, pod prijetnjom pištoljem oduzeta kamera na kojoj je, kako je kazao “Vijestima”, bilježio izborne neregularnosti u glavnom gradu.
Milačić je bio na Koniku u društvu prijatelja koji je tu došao kako bi obavio svoju glasačku dužnost.
Tom prilikom prišla su im dva muškarca, od kojih je jedan identifikovan kao Branislav Lekić. Lekić je, kako Milačić tvrdi, izvukao pištolj i pod primjenom sile mu oduzeo kameru.
Milačić je nakon toga pozvao policiju, koja je došla, a na tom biračkom mjestu je bilo prekinuto glasanje. Lekić je u međuvremenu, kako je Milačić naveo, pobjegao sa lica mjesta.
Policija od Milačića uzima izjavu.
Bonus video:
