Potpredsjednik Građanskog pokreta URA i kandidat za odbornika te partije na izborima na Cetinju, Filip Adžić, predložio je osnivanje Fonda za tranzicionu pravdu, koji bi se "punio" oduzimanjem nezakonito stečene imovine, a novac dalje distribuirao obespravljenim radnicima "pokradenih i uništenih preduzeća".
„Građani žele i zaslužuju pravdu. Ogroman korak za distribuciju pravde napravili smo izradom Zakona o porijeklu imovine, koji aktivno promovišemo i na čijoj izradi radimo još od 2018. godine. Primjenom ovog Zakona zaplijenila bi se imovina svima onima koji su godinama uzimali od države i građana i svoj imetak sticali nezakonito. Predlažemo da oduzetu imovinu iskoristimo kao osnov za formiranje Fonda za tranzicionu pravdu“, saopštio Adžić.
Nakon uništenja njihovih fabrika, gubitka radnih mjesta i toliko godina provedenih na ulici boreći se za neisplaćene zarade, nepovezani radni staž i otpremnine, vrijeme da se zadovolji pravda radnika, poručio je potpredsjednik URE.
Bonus video:
