Popularna glumica Šeron Stoun već je dobitnica mnogih nagrada, a sad se među njima pronašla još jedna, piše Daily Mail.
Na 13. godišnjem skupu dobitnika Nobelove nagrade za mir glumici uručena je nagrada Nobel Peace Summit Award kao priznanje za dugogodišnju borbu protiv AIDS-a. Svečanost se održala u nacionalnoj Operi u Varšavi, prenosi Index.hr.
Popevši se na pozornicu kako bi primila svoju nagradu oduševila je sve prisutne svojim nevjerovatnim izgledom. Iako joj je 55 godina, Stone izgleda kao da je juče završila snimanje popularnih "Niske strasti" koje su joj donijele slavu i uspjeh u 1990-im godinama.
Dodjela ove nagrade za glumicu je, čini se, imala veliko emocionalno značenje koje je iskazala naklonivši se Dalaj Lami u znak mira.
Prije Šeron, ova nagrada je uručena i njenim kolegama glumcima Šonu Penu, Džordžu Kluniju i Donu Čidlu o pjevaču benda U2, Bonu Voksu.
Bonus video:
